Plaassjan Maanafestivaale 2024 öörnesåvva!
Mijjieh aavoedibie orre Plaassjan Maanafestivaalese bööredh, bearjadahken jïh laavvadahken voerhten 19. – 20. biejjien 2024
Festivaale Storstuggu:sne (Røros kulturhus) jïh Røros hotell:sne öörnesåvva. Desnie gieltegs öörnemh darjobe! Festivaalesne musihke, daanhtsoe, show, soptsestimmieh jïh ovmessie! Gellie dåajmh jïh stååkedimmieh sjidtieh, gïemhpes kraannajgujmie jïh voelpigujmie. Mijjieh gaskeviermiesæjrose bïejeme magkerh artisth båetieh. Gellebe artisth båetieh!
Datne aavodh? Mijjieh aaj!
Praktihke bïevnesh
Leahpah
Gaajhkh mah 3 jaepien bijjelen, maanah jïh geerve almetjh, tjuerieh leahpah utnedh. Namhtah maanide mah eah leah 3 jaepien båeries sjïdteme. Datne tjoerh leahpah åestedh festivaalen åvtelen, Ticketmaster:isnie.
Ledsaagere
Mijjieh ledsaagere-bevisem mietiedibie. Ledsaagere ij tjoerh leahpah åestedh. Datne tjoerh leahpam åestedh dïsse gïe ledsaagere geehtie. Datne tjoerh leahpah åestedh festivaalen åvtelen daesnie: Ticketmaster.
Ledsaagere tjuara ledsaagere-bevijsem jïh legitimasjovnem vuesiehtidh gosse dåastovasse båata.
Dov lea naanh gyjhtelassh dan bïjre? Tjaelieh jallh rïngkh mijjese.
Hotellesne åeredh
Datne daarpesjh aktene sijjesne åeredh? Mijjieh Røros Hotell:ine laavenjostebe. Dellie datne maahtah hotellpaahkem åestedh.
Gosse datne hotellepaahkem åastah, datne åadtjoeh aktene sijjesne åeredh jïh festivaaleleahpah gaajhkesidie.
Røros Hotell lea festivaalesijjesne. Dellie ij guhkies hotelleste Storstuggu:se vaedtsedh.
Aeredsbeapmoeh, åadtjoeh hotellen «bad & velvære» nuhtjedh, åadtjoeh «lekeland»:sne stååkedidh, namhtah tjöödtjestimmiesijjie.
Beapmoeh jïh jovhkemesh åestedh
Festivaalesne datne njaelkies jïh ovmessie beapmoeh jïh jovhkemesh gaavnh, dovne maanide jïh geerve aalmetjidie.
Tjöödtjestimmiesijjie maanavåågnide
Storstuggu:n uvte mijjen leah sijjieh gusnie maahtah maanavåågnh bïejedh. Mijjieh raeriestibie ebriet-tyjjem maanavåågnese meatan vaeltedh.
Gusnie festivaale lea
Storstuggu jïh Røros hotell lea buerie sijjieh almetjidie mejtie ovmessieh funksjovnegiehpiedimmieh utnieh. Tjöödtjestimmiesijjie gåetiej baalte, heise jïh HC-onnegåetie.